آخرین مطالب
امکانات وب
در جلالت حضرت زینب کبری (سلام الله)
نئجه كي اوز باباسينه زهرا (س)
افتخاريدي مثل جان اولدو
قيزي زينب ده گوز آچان گوندن
زينت مير مومنان اولدو
تا جهانه خانیم قدم قويدی
گوزلر اولدو جمالينه روشن
دولدوروب شوريله امامت ائوين
گوردي هر كيمسه شادمان اولدو
آنالار دوغميوب اونا همسان
او گولون باغبانی فاطمه دی
مکتب عشقیده اولوب استاد
صاحب منطق و بيان اولدو
بئش یاشیندان مصیبته دوشدی
آنانین اولدو محرم رازی
اودلانان گون قاپی باخیب یاندی
آنایا یار مهربان اولدو
محنت روزگاره صبرائله دی
بیر به بیرغملری آلیب جانینا
آغلیان گوزلریله سالدی یولا
گنج عصمت گئجه نهان اولدو
آناسی فاطمه اولان بیر قیز
گرگ البته زین اب اولسون
زینت مرتضائیدی الحق
آدی دیللرده جاودان اولدو
آتمیش سال هجری ماه رجب
قارداشیلان وطندن آیریلدی
هر یانا گئتدی عشق قافله سی
خانیمین مقصدی همان اولدو
خانیمن هر زادی حسینیدی
قوت قلبی، نور عینی دی
دولانیب سایه سینده قارداشینین
کوی عشقینده همزبان اولدو
آه او گوندن همان او ساعتدن
کربلاده اولدو قانلی بیر دریا
سالدی لنگر هدایتین گمیسی
بحر غم جوشدی خونفشان اولدو
میزبانلار گلیب دیلر گوروشه
اوخ گتیردی هاموسی گول یئرینه
یئل کیمی سست اولوبدی ایمانلار
عهد و پیمانلاری یالان اولدو
باغلانيب سو يولي جفاييله
ديل دوداقلار ياپوشدي بير بيرينه
چوللره آخدی حسرتیله فرات
گلشن حق سولوب خزان اولدو
لحظه لحظه ورق له نیب تاریخ
گئیدی جنگی لباس تاسوعا
سس اوجالدی کی جنگ یا بیعت
حکم ائده ن تیغ جانستان اولدو
ایسته دی رازیله نیاز ائله سین
گجه نی صبحه جک نماز ائله سین
بیر گجه مهلت آلدی سرور دین
خیمه لر روضه جنان اولدو
گئجه ني صبحه جك خانيم باخدي
دويا بلكه بیر آز حسينیندن
عطشی دیلده دم به دم آرتیب
بيلمدي هئچ سحر هاچان اولدو
وئردیلر ال له مجاهدلر
تا کی دین گلشنی حیات تاپا
تا عیان اولدو صبح واقعه سی
زینبین دردی بیکران اولدو
صبح اولوب تا اوجاتدی گون باشینی
روبرو اولدو نوريله ظلمت
ائله بیر جنگ اولوب او صحراده
بيله فكر ائت كي حشرعيان اولدو
بیر به بیر مشکلر سوسوزلادیلار
شرم اودو خیمه گاهی یاندیردی
گتدي سقا فراته سو گتیره
سو قضادن دولاندي قان اولدو
قارداشا داغ کیمی دایاق دوردی
باجیلیق حقینی ادا ائله دی
گرچه بار بلا و محنتدن
سرو تک قامتی کمان اولدو
التماس دعا ائدیب شه دین
کی اونوتما منی نمازینده
تاپیشریب زینبه بالالارینی
کوی عشقه طرف روان اولدو
هر نقدری یئتیشدی درد و بلا
خانيم حقين يولون گوزل گوردي
دين يولوندا سو تک آخان قانلار
خانما قدرت و توان اولدو
سویدی دونیا لباسین عاشیق لر
باش وئریب عشقیله مجاهدلر
بير به بير گلشن ایچره گوللر آچیپ
كربلا دشتي گلستان اولدو
قاره یئل اسدی گون اوزی دوتولوب
لرزه سکان عالمه دوشدی
اوندا کی ذوالجناح صاحب سیز
خیمیه گلدی غم عیان اولدو
دولانوب كربلا چولون یکسر
يوخودي بيرجه مرد آزاده
خنجر آلتيندا گوللري سولدي
هريانا باخدي باغریقان اولدو
شيرزن بسلمیشدی شیر قیزین
ال آتیب دوتدی قانلی خنجردن
ائتدی ایثار او کان وفا
هر زمان وقت امتحان اولدو
قان ايچينده گوروب که خانيم
گول عشقي اولور پرپر
تاپمادي چاره توکدی گوزیاشینی
گلشن عشقه باغبان اولدو
ال اوزوب جمله يار و يولداشدان
یوزونی دوندریب حجازه طرف
بو حسینیندی یا رسول الله
اوخلارا داشلارا نشان اولدو
قان توکن لر توکولدی خیمه لره
اود ويريلدي یانان اورکلرینه
اوتا پروانه تك وئریب شهپر
حجت اللهه پاسبان اولدو
گوردي كي خيمه ده امام زمان
عطش و غصه دن توانسيزدي
اوزوني يانار اودلارا آتدي
شمع جانانه جانفشان اولدو
كربلا ماجراسي قورتاردي
كوفه نون ابتلاسي باشلاندي
نيزه باشينده داشلانيب باشلار
اهلبیتین ایشی فغان اولدو
نگران اولدو كوفه وضعيندن
باشلادي مرتضا كيمي خطبه
بت لاري سينديربدي ابراهيم
ضربه سي خصمه جانستان اولدو
تا گوروب يوخليوبدي كوفه ليلر
هاي وئریب ملتی اوياتدي خانيم
بيلميره م نيزه ده نه گوردي ولي
سیل تک گوزیاشی روان اولدو
هلهله ائيليوردي كوفه ليلر
اوره گين يانديراردي خاطره لر
چاره سيز دردينه اوحالدا دوا
نيزه دن باشلانان قران اولدو
ايشيديب بير حجازي سس بيردن
اوخويور كهف عشقي ازبردن
قاناد آچدي دوباره جان تاپدي
دلبرين گوردي شادمان اولدو
ديدي اي زينبين دوتولمش آيي
نه يامان وقته داديمه گلدون
هچ بئله صحنه نی اينانمازديم
نيزه باشي سنه مكان اولدو
سسيوه لحنيوه علاقم وار
ديمره م هيچ ولي مني ديندير
بير دانيشدير بو نازلی قیزی
غصه دن یاندی باغریقان اولدو
اولموشام نهضتینده من يولداش
گلرم کوی عشقیوه بير باش
اوخي قراني نيزده قارداش
گور نجه صبر ائوی تالان اولدو
سنه قوربان اولوم اوزاق گتمه
بی مروّتلره قوناق گئتمه
منی هجران اودوندا یاندیرما
فرقتین زینبه گران اولدو
گر چی آز وقتیده قوجالدی خانیم
گون به گون اوج ائدیب اوجالدی خانیم
پرچم حقّی وردی شاماته
سیندیریب ظلمی قهرمان اولدو
شاعر : استاد محمد هوشمند
منبع : کانال اشعار مدهوش
آیینة دل 1069...برچسب : نویسنده : 8matnenoheh3 بازدید : 201