زبانحال حضرت زینب کبری (سلام الله) در کوفه
حسین عجب منه برپا قیامت ایلمیسن
جدا باشندا یارالی اقامت ایلیمسن
منیم ایشقلی ایم بس هایاندا باتموشدین
گیچن گجه باجوی سن گوزوندن اتموشدون
منی گوزوندن اتوب کوللر اوسته یاتموشدون
عجب گیچن گیجه نی استراحت ایلموسن
یوزنده کولدن علامت قالور گیچن گیجه دن
سنی خیاله باجون چوخ سالور گیچن گیجه دن
بو شهرده انام عطری قالور گیچن گیجه دن
یقین انامی گیجه سن زیارت ایلموسن
سزادی ویرسم اجازه بو قانلی گوز یاشینا
منیم کیمی باجی حسرت قالوبدی قارداشینا
او نیزدن باشون ای بیر قویوم اورک باشینا
گر اولسا ممکن حسین چوخ کرامت ایلموسن
اگر چه خولیه سن اولموسان حسین مهمان
منیمده منزلیم اولدی گیچن گجه زندان
ولی سنون غمون ارتوخدی من سنه قربان
کولیله صبحه کیمی انس و الفت ایلموسن
عبث دگول شرر درد و غمله اودلانورام
وار عمده علتی قلبمدن اود دوتوب یانورام
شماتت ایلین عورتلرین چوخون تانورام
بو حال زاریمه هیچ سن نظارت ایلموسن
بلای حاله یانوم یا جلال ماسبقه
اوجالسون اتش اهیم شراری نه طبقه
ویرور بر عده سی ال پیمبره صدقه
دین تاپلموری ارتوخ جسارت ایلموسن
بو بس دگول الوب اطرافی صف به صف اعدا
الینده قمچی ایدور ال عصمته ایذا
ویرور بیری بالا قزلاره نانیله خرما
بیری دیور که عجب قصد غربت ایلموسن
شاعر : حسنی
برچسب : نویسنده : 8matnenoheh3 بازدید : 235