آخرین مطالب
امکانات وب
قتلگاه
کسیلوب باشون قفادن بو جفایه اولماز امکان
کی گورونمیوب قفادن کسیله مناده قربان
اورگون باشینا بیجا وریلوب سه شعبه پیکان
بو اورگه اکبرون تک بسیدی یاراسی قارداش
سنی من چکوم کناره نجه بو چوخور مکاندان
نجه آیریلوب گیدوم یا بو شفقلی گلستاندان
باشویی جدا باشیندا یاره لی گورن زماندان
آزالوبدی گوزلریمون بیلوسن ضیاسی قارداش
باشون اوسته من یتیشدیم سنون آخرین زماندا
دایانوبدی شمری گوردوم سینون اوسته بو مکاندا
نقدر چالیشدی زینب سنی ساخلاسین آماندا
ولی قاتلون چوخ اولدی ستم وجفاسی قارداش
الدیم نقدری کوشش باشون اوسته یانه یانه
دیدیگیم سوزومه مدرک بدنیمده وار نشانه
ایش اورا یتیشدی آخر منی یخدی تازیانه
ایتی خنجرون سن اولدون صورا مبتلاسی قارداش
سنیلن شریک عهدم منیچونده امتحان وار
الیمی کسوبدی خنجر گنه ده الیمده قان وار
قالاجاق او صحنه یاددا نقدر جانیمدا جان وار
باجوون گرک ثبوته یتیشه وفاسی قارداش
گجه گوندوز (انور) ایلر غم و محنتون کتابت
یازاجاق نقدری واردور بدنینده استطاعت
مرض گناهه ایستر آلا نسخه شفاعت
عمل منزّهیله خوش اولا بقاسی قارداش
شاعر : مرحوم انور
زبان متن و شاعر: نوحه ترکی, انور اردبیلی آیینة دل 1069...
برچسب : قتلگاه, نویسنده : 8matnenoheh3 بازدید : 158