آخرین مطالب
امکانات وب
قتلگاه
ای عشق مناسینده ناحق توکولن قانی
زهرایه قسم وئرم دیندیر من نالانی
ای کشتی خوبانون طوفانه دوشن نوحی
گرداب بلیاتون غلطیده و مجروحی
عیسی کیمی آویزان داره سر مذبوحی
ای زینبون آرامی وی فاطمه نون روحی
آگاه ائله حالوندن من زار و پریشانی
تانور باجی قارداشین اولسا اوچ علامتدن
باشدان ایکی اللردن یا جسم سلامتدن
دولموش گورورم سینون بی حد جراحتدن
باش یوخ ایکی اللر یوخ یاندیم بو حکایتدن
یاندیم نقدر یانسام حقیم وار حسین جانی
ظاهردی قیافوندن سن شاه شهیدان سان
شاهانه لباسون یوخ بس سن نئجه سلطان سان
باشونده گئدوب تاجون آیا نیه عریان سان
اوخلار سنه پیراهن مستغرق پیکان سان
هاردا گیینور شاهلار منسوجه ی پیکانی
سندن یارالی ایلور زهرا قیزی بیر خواهش
سسلن سسوه قربان قلبیم دوتا آرامش
آیا سن حسینیم سن آدون ائله فرمایش
زلفیمه سالوب سایه تاپ ایستی دن آسایش
یوخ زینبوون بوندان آرتوق زادا امکانی
اعجاز امامتدن بیر منظره گورسندی
ناگاه او باشسیز نعش بیر تتردی ترپندی
منحور بوغازیندن گلدی دیله سسلندی
یازینب اناالمظلوم ای فاطمه دلبندی
قارداشون حسینم من لب تشنه چیخان جانی
بالای سره کئچدی محزون دل و کج گردن
چاک ائتدی گریبانین تپراقه دوشوب بیردن
زلفینی خضاب ائتدی اول خون مطهردن
قویدی دوداقین اوپدی خنجر قویولان یئردن
سیراب ائدوب اشگیله اول حنجر عطشانی
شاعر : مرحوم یحیوی
زبان متن و شاعر: نوحه ترکی, یحیوی آیینة دل 1069...
برچسب : قتلگاه, نویسنده : 8matnenoheh3 بازدید : 170