آخرین مطالب
امکانات وب
حضرت امام حسين (علیه السلام)
گوروم بو عالمی ویران اولیدی
نه بو ماتم نه بو افغان اولیدی
نه عاشورا اولیدی نه محرم
نه خرگاه حسین تالان اولیدی
نه دشت کربلاده شاه دینین
جلالی غارت عدوان اولیدی
فراتین یولاری نه باغلانیدی
نه اولاد علی عطشان اولیدی
نه شهزاده علی اصغر سوسوزدان
سولیدی گل کیمی خندان اولیدی
بو غازیندان اونون نه اوخ دگیدی
نه قونداقی لبالب قان اولیدی
نه ظلمیله علی اکبر الیدی
نه نعشی زینت میدان اولیدی
نه زلف و کاکلی قانه باتیدی
نه لیلا دیده سی گریان اولیدی
نه بیکس اهل عیالی ظلم الیله
اسیر قوم بد بنیان اولیدی
نه اولاد علی یکسر سوسوزدان
گلوب درده هامی نالان اولیدی
علمدارین نه قولاری دوشیدی
نه سوتک مشکینه القان اولیدی
نه ظلمیله حسین آتدان دوشیدی
نه عرش کبریا لرزان اولیدی
نه گل جسمی قالوب یرده کفنسیز
نه غسلی ظلم الیله قان اولیدی
نه لشکر سینه سینده آت چاپیدی
نه اوچ گون پیکری عریان اولیدی
کسیک باشی نه خولینین ایوینده
تنور ایچره گیدوب مهمان اولیدی
اولیدی (وافیا) طبعون زر افشان
الینده گر قلم هرآن اولیدی
شاعر : مرحوم وافی
زبان متن و شاعر: نوحه ترکی, وافی آیینة دل 1069...
برچسب : نویسنده : 8matnenoheh3 بازدید : 195