آخرین مطالب
امکانات وب
جلالت حضرت زینب کبری (سلام الله)
تصور ایلین اولسا مقام زینبدن
دوشر تحیره شان عظام زینبدن
بو شان و رتبه ده دنیایه گلمیوب بانو
بغیر حضرت صدیقه مام زینبدن
عقیده مندم ایدوب کسب احتشام شرف
عموم محتشمه احتشام زینبدن
نکات تسمیه ده بهره مند اولا هر کس
عرایضیم اونا واضحدی نام زینبدن
هامی شرافته دارادی اصلاو ذاتا
هانی اصیل نزاد مهام زینبدن
مراد خالق اولوب خلق ماسوالهدن
بنای اشرف فخر فخام زینبدن
آتاسی شاه ولادورکه دین تکمیله
یتوب وصایت باب گرام زینبدن
آناسی حضرت زهرادی قارداشی حسنین
کمال لطف اولونوب لا ینام زینبدن
او که شرافت ذاتیدی بسته دور علمه
نه جای بسط کلام علم تام زینبدن
همان خانیمدی که شانینده عمتی انت
کلامی صادر اولوندی امام زینبدن
ادبده گر اولا شرط شرافت ذاتی
هانی مودبه ذات گرام زینبدن
محالیدور که ادب آیریلیدی بیر لحظه
قیام و ذکر و قعود و منام زینبدن
هامی مدایحی بیر یان شهامتی بیر یان
عجبدی شدته صبر و دوام رینبدن
امامه نقل حدیث ایتدی تایدی بهبودی
او گونده زخم دلی التیام زینبدن
حیاتی مصرع اکبرده ایلدی تجدید
حیات عالمه باعث خرام زینبدن
یقینا امر شهادت نتیجه ویرمزیدی
گر اولماسیدی اسارت مرام زینبدن
او گلستان شهادتده باغبان اولدی
گل مراد دریلدی قیام زینبدن
او گلشنیکه بهارینده جبرا اولدی خزان
اولوب همیشه بهار اهتمام زینبدن
جدا باشیندا حسین یغدی باشلاری باشینا
گیدردی سمت دمشقه امام زینبدن
بو دا دوزوب باشا هشتاده دین قرا معجر
که شه جلالی چوخالسون نظام زینبدن
اولاندا کوفیه وارد قطار أل الله
تعجب ایلدی خلق انتظام زینبدن
سرور بربط و چنگیله ایتدی استقبال
همان او فرقه بی ننگ و نام زینبدن
دیردیذر که بولار خارجی اسیریدیلر
بو سوز مخالف اولوب عین کام زینبدن
مصمم اولدی خانم قوه فصاحتدن
بله حقیقتی هر خاص و عام زینبدن
او پرده لر که چکوب حقه قوم بی پرده
جمال حق تاپا عالی همام زینبدن
بویوردی ساکت اولون ای جماعت گمراه
طریق حقی تاپون اعتصام زینبدن
کسیلدی همهمه و قیل و قال بانگ جرس
همان او واجب الاذعان پیام زینبدن
!!! بقیه این اشعار در جلد نهم کنجینه گذشتگان است !!!
شاعر : مرحوم ذهنی زاده
!!! لطفا با نام کانال گنجینه گذشتگان کپی کنید !!!
زبان متن و شاعر: نوحه ترکی, ذهنی زاده آیینة دل 1069...
برچسب : نویسنده : 8matnenoheh3 بازدید : 169