آخرین مطالب
امکانات وب
زبانحال, حضرت زینب (س) به غسّاله,
یامان گونومدی گَل ائتمه بهانه غساله.
ولایت اولدوزی آخدی شبانه غساله.
رضای حقدن اوتور گَل رقیه غسلونی ویر
اهانت اولمییه دُرّ ِ گرانه غساله.
تانیندیروبدی بیزی خارجی سیزه دشمن
بو افترادی بیزیم خاندانه غساله.
آز آغلادون بیزی واللّهی بیز مسلمانوخ
اگر چه خوار ائلییوبدور زمانه غساله.
بابام رسول خدادور آتامدی فخرُالاَنام
آنامدی فاطمه ، سَرور ، زنانه غساله.
حسینیله حسنون باغری قان باجیلاریَم
حسینیدن منه بو قیز نشانه غساله.
یوبانما غسلونی وئر ئولدورور باجیسی اوزون
ز بس دوگور اوزونی یانه یانه غساله.
یواش سویوندور اونی باخ خدای رحمانه
یارالییوب بدنین تازیانه غساله.
اویان -بویان ائلیینده وجودینی گوزله
گَلَر بو خسته وجودی فغانه غساله.
زبس دوگوب بالامی زجر ِشومِ کین پرور
وجودینی گووَدیب ظالمانه غساله.
عذارینه نظر ائت گور نئجه اولوب نیلی
زبس کی سیلی دگوب میهمانه غساله.
اریتدی غم بالامون جسمینی سالوب دلدن
دوشوب آنام یادیما ، صحن خانه غساله.
دئیوب بو سوزلری دوشدی جنازه سی اوسته
سیزیلدیوبدی زبس گلدی جانه غساله.
اَل آتدی کوینگی خارج ائده وئره غسلون
دُر ِ نهانی چیخاتدی عیانه غساله.
گوزی دوشوب گویَرَن جسمه ساخلییوب اَلینی
ائدیب عذارینه قان یاش روانه غساله.
اَلین آپاردی قویوب تازیانه یئرلرینه
دئدی کفایت ائدر نکته دانه غساله.
گوزی دوشوبدی او زهرایه بَنزییَن گوزونه
دئدی گوزونده باخون لخته قانه غساله.
قولاقینه نظر ائیلوب گوروب کی پاره لَنوب
دئدی که لعن اولا شمر و سَنانه غساله.
گوزی دوشنده الهی قابار ایاقلارینا
یوزون چوویردی داخی آسمانه غساله.
دئدی الهی بو اَلده ئولن قیزا عفو ائت
دیوبدی خاجی بو مهربانه ، غساله.
سنون یولوندا بونی چوخ دوگوبدی شمر و سنان
گَتورمَدی چوخونی هئچ بیانه غساله.
دوروب دولاندی او عورت جنازه نین باشینا
دئدی فدا سنه ای نازدانه غساله.
ز بس دویوبله سنی ، ئولدوروبله ئولمه میسن
توکر سرشکِ بصر جاودانه غساله.
قویاندا پیکر (صدّیقی) مغسله آغلا
حسینی یاد ائله اود سال جهانه غساله.
محمدرضا اسدی غازانی (صدیق)
منبع مجموعه مدح و مرثیه
آیینة دل 1069...برچسب : نویسنده : 8matnenoheh3 بازدید : 242