آخرین مطالب
امکانات وب
وصیّت امیرالمؤمنین حضرت علی (علیه السّلام)
در خصوص قاتل خود به امام حسن مجتبی (علیه السّلام)
و گریز به کوچ از کربلا
علی مجسّمۀ فیض و جود و رحمتدور
علی تمرکز داد و وِداد و رأفتدور
ایله کریمیدی سلطان تاجدار غدیر
ایدردی قاتلینه رحم او شاه خیبر گیر
او گون که ساخلادیلار محضرینده قاتلینی
گوز آچدی گوردی دوروب قاتلی ولی دلگیر
بویوردی من سنه ای بی وفا نه ایتمیشدیم
سبب ندور منه گوردون بو نوع ظلمی جَدیر
دونوب امام مبین مجتباسه سالدی نظر
بویوردی ای گوزیمون نوری اختیار ضمیر
آپار بو ظالمی ساخلا و لیک اینجیتمه
نه وور ایاقنه کونده نه بوینونا زنجیر
نوازش ایله اسیروندی آج سوسوز قویما
بونادا ویر منه هر دم ویرنده کاسۀ شیر
روا دگول بلوسن دستیگیری اینجیتماق
اسیره رحم ایلیون امر ایدوب خدای قدیر
اوغول حَسَن اگر اُلدورمسه بو یاره منی
بغشلرم بونی گر چه ائدوب بیوک تقصیر
اگر اُلَم بو منه بر قلج وُروب سنده
منیم قصاصیمی آل وُر بو شومه بیر شمشیر
مباد ایلیه سوز مُثله من رضا دگولم
حرام ایدوب اونی پیغمبر بشیر و نذیر
گریز گاه
اسیره یا علی ایللّه بیر بیله رأفت
دگولدی سیّد سجّاد اهلشامه اسیر؟
علیلیدی اوزی امّا ترحّم ایتمدیلر
وُروبلا بوینونا زنجیر شامیان شریر
رضا دگلدون اولا قاتلون سنون مُثله
سنون گوزوندن ایراق ای جهانیانه امیر
حسینون ایتدیله مُثله علاوه قویدولا عور
کفن تاپولمادی الّا او جسم پاکه حصیر
قوروبدی دام بلا کربلاده اهلجفا
مخدّرات حرم دشمنه اولوب نخجیر
بتوله نایبه زینب گوروب حسینی دیدی
کفن ایدردیم اَلیمده اولیدی گر تدبیر
سنون کیمی آنام اوغلی سویولموشام منده
گیدوبدی مقنعه تاراج اولوب لباس حریر
یازولسا زینبون احوالی سوز مُطوّل اولار
ایدوم ولادت زهرانی مجملاً تحریر
شاعر : مرحوم استاد حسینی سعدی زمان
زبان متن و شاعر: نوحه ترکی, حسینی سعدی زمان آیینة دل 1069...
برچسب : نویسنده : 8matnenoheh3 بازدید : 163