آخرین مطالب
امکانات وب
زبانحال حضرت زینب کبری (سلام الله)
در شهادت امیرالمومنین حضرت علی (علیه السلام)
سبک : تو مشکتو به آب زدی
ندندی بو سحر باشون ---— بویاندی قانه آی بابا
ووروبلا باشیوه یارا —---- نه ظالمانه ای بابا
یوزه گوزدن دائم اشک غم باغلارام من
حزین حزین فرقتونده چوخ آغلارام من
سیه پوش اوللام بو محنتده من آتا جان
سنون مظلوم ئولماقیوا دل داغلارام من
یارالی یارالی یارالی یارالی
بیر عدل و دادیدن صورا ---- یوخ آیری فکر و نیتین
یاخوندی زینبین گوره ------ آتاسینین شهادتین
نه علته گوره دگوب ---— باشا بو کاری ضربتون
یانار بو سینه ماتمه ----- چکر زبانه آی بابا
گلر عرش و فرشیدن صدا وای علی
ائدوب جبریل عالمه ندا وای علی وای
علی ئولدی،ئولدی عدلین ارکانی والله
دیر آغلار خیره النسا وای علی وای
یارالی یارالی یارالی یارالی
کیم ای بابا داغیرداجاق ----- یتیم لرین غذاسینی
دوتار سحردن هر بیری ----- آتاسینون عزاسینی
گل ائوده پانسمان ائدیم ----- بو باشیوون یاراسینی
ساغالماسا گوزوم یاشین ---- ائدوم روانه آی بابا
آنام قالسایدی یاراوی تئز باغلیاردی
یانا یانا آدیوی دیوب آغلیاردی
آنام یوخدی یاننام اغلارام حزنیلن من
سنه زهرا ائللریله یاس ساخلیاردی
یارالی یارالی یارالی یارالی
سن عین عدلیسن ئوزون ----- عدالتین شهیدی سن
پیمبرین یورولمیان ------ وزیری سن مریدی سن
اوروجلوخ آیینین بابا —---- شهید رو سفیدی سن
شهادتین سنین اولار —---- نه عاشقانه ای بابا
شهید اولدون سجده حالینده بیت حقده
بئله توفیق اولمیوبدی هیچ ما خلقده
غریبانه ئولدون آی بابا کوفه ده سن
تایین یوخدی ما خلقده ما سبقده
یارالی یارالی یارالی یارالی
بو کوفه نین وفاسی یوخ ----- بیز اهل بیت عصمته
دعا ائله بو کوفیان —--- یتیشمه سونلر عزته
آنام دیوب بو شهریده —--- باشون دوشر مشقته
نه ظلمیلرکی یوز وئرر ----- بو باغریقانه آی بابا
بیزی کوفه اهلی ایله للر مکدر
باشیمیزا بامیلردن هی کول سپه للر
حسینیمین باشینی ووراللار جدایه
چکه للر آل اللهی طنابه سراسر
یارالی یارالی یارالی یارالی
شاعر : کربلایی رحیم شایان
زبان متن و شاعر: نوحه ترکی, رحیم شایان آیینة دل 1069...
برچسب : نویسنده : 8matnenoheh3 بازدید : 202