در شهادت امیرالمومنین حضرت علی (علیه السلام)
آچ گوزون باخ منه بابا_سارالان گلشنه بابا
خوار اولیدی بیله دنیا_تنگ اولوبدور سنه بابا
زینبون عزالیدی_باشی چوخ بلالیدی
یوخدی دردیوه دوا_ئورگیم نوالیدی
منه همنفس بابا
ویر سسیمه سس بابا
کوفه ده اوجالدی ناله_ئورگیمده کی ملاله
عرشه قاره چکدی جبریل_آلدی آی دورینی هاله
حسنیم هایانداسان_بابامی آپاردی قان
دی بلاله تز گله_آهیلن دیه اذان
منه همنفس بابا
ویر سسیمه سس بابا
کوفه ده یتیم لر آغلور__گوزیاشین عذاره باغلور
ایوده قارداشیم ابوالفضل__بابا دیزلرون قوجاقلور
یانمیشام هرای بابا_ذکریم اولدی وای بابا
یومما گوزلرین بیله_سنسیز ئوللم آی بابا
منه همنفس بابا
ویر سسیمه سس بابا
سینه می داغلامیشام من_سنه چوخ آغلامیشام من
ایتمیشم ناله و افغان_یاره وی باغلامیشام من
زینبون عزالیدی _باشی چوخ بلالیدی
یوخدی دردیوه دوا_ئورگیم نوالیدی
منه همنفس بابا
ویر سسیمه سس بابا
وار بابا باشیمدا قاره_نفسین دوشوب شماره
یارالی ننمه مهمان_گیدورن باشیندا یاره
یانمیشام هرای بابا_ذکریم اولدی وای بابا
یومما گوزلرین بیله_سنسیز ئوللم آی بابا
منه همنفس بابا
ویر سسیمه سس بابا
شاعر : بهلول حبیبی زنجانی
برچسب : نویسنده : 8matnenoheh3 بازدید : 174