آخرین مطالب
امکانات وب
در شهادت امیرالمومنین حضرت علی (علیه السلام)
باتدی خجالتیله بو گون یورقون آفتاب
دوشدی قلوب شیعه لره خوف و اضطراب
اوچ گوندی اهل کوفه ئوزه گوزیاشین اَلور
یاران بوتراب سپور باشینه تراب
ایولردن آسمانه علی وای سسی چخوب
نفرین ایدولله قاتل مولایه شیخ و شاب
افطارسیز قالوبدی چوخ ایوده یتیم لر
ویرانه لرده مسکن ایدنلر چکور عذاب
بدر و حنین شیری یاتوبدی یارالیدور
سیمرغ قاف عشقی شکار ایلیوب ذباب
شمشیر زهرداریله دالدان وروبدیلار
آلموش او یاره شیرخدادن توان و تاب
فرمانده هان ارتش اسلام آغلوری
کابینة علیده دوشوب شور و انقلاب
گاهی سکوت ایدور گه آچور قانلی گوزلرین
ثاراللّهیله وجه خدایه سالوب نقاب
دکتر گتوردیلر باخا حیدر یاراسینه
ایتدی معاینه ایلدی حضرته خطاب
اولسا وصیّتون بویور ای میر مؤمنان
بو یاره دن خلاص اولاسان چوخ چتین جناب
پرده دالندا زینب آچوب باشین آغلادی
ایوای دیردی دکتر آتاما ایدور جواب؟
زهرا آنام اولیدی گر اُلمزدی هیچ آنام
بو یاره دن نجات تاپاردی ابوتراب
چکسیدی یارسینه او قنفذ وران الین
اللّهدان ایلسیدی شفاسین گر اکتساب
سالمازدیم ایندی باشیمه حیدر قراسینی
گوزدن بوقدری توکمزدیم من سرشگ ناب
جنتّده گوزلوری یاراسین باغلاسین آنام
علّت اودور وصاله آتام ایلوری شتاب
گیت گل کسیلدی حیدر ایوندن یواش یواش
گویا علینون حالی اولور دمبدم خراب
بیت امامیده دیه سن حشر اولوب عیان
ارکان دینه صدمه یتوب دلده یوخدی تاب
شاعر : استاد غلامرضا عینی فرد زنجانی
زبان متن و شاعر: نوحه ترکی, عینی فرد زنجانی آیینة دل 1069...
برچسب : نویسنده : 8matnenoheh3 بازدید : 193