آخرین مطالب
امکانات وب
کرامت امیرالمومنین حضرت علی (علیه السلام)
بیوردی حجه الاسلام برگی منبرده
بیوردیقین یازیرام قسمت اولسا دفتره
علی کرامتی دیر نظمه اولموشام مایل
بوفیضه آلله ائده کاش بنده نی نایل
سند بیوردی بودور شرحال علامه
اوکس کی خدمت ایدیبدیربودین اسلامه
یازیللا بیرگون عراقین وزیر فرهنگی
یازوبدی بیر بیله نامه شمادت آهنگی
ملاک ایشینده نه ایمان اولوب نه دینی اولوب
خطابی حضرت علامه امینی اولوب
واریدی شیعیه نسبت ئورکده چوخ غرضی
ائیوینده اوغلی واریدی بئلینمین مرضی
نه نیتیله یازیلموشدی مهراولوب نامه
آپاردئدی منه وئیرسین جوابین علامه
بوئیدی متنی علی عشقینون بهاسین وئیر
آقاو ادی کی بونین اوغلونین شفاسین وئیر
آل ایمدی قرخ ائیلیوین مزدینه من ائیستیه نی
قبول ائدیم اوزامان منده بعضی سن دئیه نی
علی ده واردی کرامت بئیرین نشان وئیرسین
قوتاردی چاره م عزیزیم آزالدی جان وئیرسین
گئدنده قاصده تاپشیردی ائیله سین عجله
ئورکده چوخ تله سیر انتظاری گلسین اله
مسیری طی ائلیوب قاصد سعادتمند
چاتوبدی مقصده سالم بوخاطره خرسند
دئیور گوره ن کیمی تاپدیم صفا جمالیندن
نه چهره کی اوخونور معنویت حالیندن
باخوبدی نامیه فورا قلم دوات آلدی
خلوصه باخ کی دخیل اولجاقین برات آلدی
گوزوم گوروردی اول کلمه یازدی بسم الله
علی نین حرمتینه لطف ائدیب شفا آلله
جوابی فارسی یازیردی شفانی داد یازدی
بفوری یازدیقینا درکیم انتقاد یازدی
دئدیم آقا بونی خواهد داد ائیله املاسین
بوجمله ئیله دگیش مطلبین ده معناسین
بیوردی یازدیقیما واقفم سن اول آگاه
علی ضمین اولا حتما شفا وئرر آلله
دعا مگر قئیدر صدقیله دئسه ن به علی
مرامیوه یئتیرر ذات حی لم یزلی
آقا محبتینین اجری بیت جنت اولا
رضا اولارکی بوگون نوکری خجالت اولا
دئدیم اجازه بیورذسان منه مرخص اولوم
نتیجه هرنه اولا من گئدیم اوزاقدی یولوم
منی دعا ائلیوب حرمیله سالدی یولا
عبا سالوب حرمه ائستیوردی عازم اولا
گئدیم عریضه وئیریم حضرته ضمانتیمی
حواله یازموشام آلله دان ائیته حاجتیمی
فدا اولوم سنه ای معدن کرامت آقا
وزیر سُنّی دن ائیتمه منی خجالت آقا
ایاق توزیلا قئیتدیم دوباره بغداده
تیکیلمیشم هله علامه یازدیقی داده
چاتینجا مقصده هی ذهن ده دولاندیریرام
گهی یئین گئدیرم گه یولی اوزاندیریرام
وزیره سوز پاپیرام اوغلی تاپماسا صحت
ئورک دئیور هله گورستمه نامه نی گیزلت
خیال ده ائیله اسکندریه ده گئزیرم
گهی قراچکورم گه محله نی بئذورم
محللیه یئتیشینجاق بوفکرلردیدی
دئیوردیم ئوز ئوزیمه من گئدیم ویا قئیدیم
نگوردوم اهل محل جمله شاد و خندان دیر
محله نی بئذیوبلر بوتون گلستان دیر
وزیر آچوب قاپوسین ازدحام وغوغادیر
کسیبدیلر نئچه قربان کی عید اضحی دیر
گورن دئدی کی فلانی هایاندا قالمیشدون
اوشاق دوروب اوتوروب سن گتیر نه آلمیشدون
وزیره نامه نی شوقیله ائیلدیم تقدیم
هاچان یازیب دئدی ؟منده دقیقه سیله دیدیم
دئدی همان اوزامان لاراوشاق دوروب اوتوروب
هانی آفام سوروشوب اگلشیب سئونده دوروب
نه جوریازیب منه علامه دوز چیخوب والله
گوروم ائیوین اولا آبادیا ولی الله
گلایه نین یئری وارائیمدی بوردا مولادن
سنون کی دارخرون قبل وبعد دنیادن
الون کی آللهین اذنیله درده درماندیر
یدالله ها آقاجان هر چئتینلیک آسان دیر
نیه خرابیه بیر گلمدین صفا وئیره سن
اونازنین بالاوین دردینه دوا وئیره سن
گوزینده یاش باباسین گوزلین زمانینده
نه لر واریدی اونین ناله ی نهانین ده
سوز الدی دردین الیندن اوخردسال ائیله
دئدی بی بی چوخ اولوب زحمتیم حلال ائیله
یازاندا «اشرفی» مولاسینینون کرامتینی
یازیبدی ذیلینه علامه نین لیا قتینی
شاعر : علی اشرفی
زبان متن و شاعر: نوحه ترکی, علی اشرفی آیینة دل 1069...
برچسب : نویسنده : 8matnenoheh3 بازدید : 189