آخرین مطالب
امکانات وب
در شهادت امیرالمومنین حضرت علی (علیه السلام)
سبک : قان یاغدی کربلاده
مسجدده ای جماعت حیدر بویاندی قانه
محراب و سجده گاه و منبر بویاندی قانه
مظلوم علی علی جان
دوردی نماز صبحه آزاده لر امامی
ربیله باشلیوبدی تامعنوی کلامی
تا سجده ده گوروبدی الله شه انامی
ظلم ایتدی ابن ملجم صفدر بویاندی قانه
خنجر انوب باشیندان آی مثلی پـارچالاندي
رخسارینه علینون سو تک قانی جالاندی
سسلوب منادی گویده ارکان دین تالاندی
داده گلون نگار کوثر بویاندی قانه
تاقانینه اولوبدي حیدر اویرده غلطان
محرابیده محاسن اولدی قانیلا الوان
سسلندی فزت یارب بیردن امام خوبان
شادم اوزوم اگرچه پیکر بویاندی قانه
اول صحنیه گلوبلر سرعتله پیر و برنا
گویاقیام محشر مسجدده اولدی برپا
گلدی حسن حسین ده قوزاندی شور و غوغا
آلدی حسن قوجاقه اللر بویاندی قانه
گوردی حسن باباسین شق القمر اولوبدي
ابربهارمثلی دیلدن آقا دولوبدی
گوردی حسین ده برگ ریحان کیمی سولوبدی
سسلندیلر انیس مادر بویاندی قانه
جسم علی قویولدی بیر فرش پاره اوسته
حمل اولدی بیت وحیه دلخون و سرشکسته
فوج ملک یراوسته گلدیله دسته دسته
سس قوشدیلار خدایه دلبر بویاندی قانه
زینب گلوب نوایه آی مهربان بابام وای
تیر غم و بلایه دائم نشان بابام وای
بیکس آناما اولدون سن میهمان بابام وای
سیل تک قانون آخوبدی بستربویاندی قانه
گلدی طبیبی گوردی باشدا آغور یارانی
عرض ایتدی مجتبایه بوغملی ماجرانی
درمانی یوخ بودردین باغلا باشا قرآنی
ارکان دینه والله زیور بویاندی قانه
قان آغلا بوعزاده گل «آذرين» نوایه
اولسا اورکده دردون گیت حیدره دوایه
حیدر آدی دیلونده فخرایله ماسوایه
غملی دیلیله سسلن حیدر بویاندی قانه
شاعر : کربلایی ودود آذرین خلخال
زبان متن و شاعر: نوحه ترکی, ودود آذرین خلخال آیینة دل 1069...
برچسب : نویسنده : 8matnenoheh3 بازدید : 185