آخرین مطالب
امکانات وب
زبانحال امیرالمومنین حضرت علی (علیه السلام) به
حضرت زینب کبری (سلام الله) هنگام شهادت
سبک : صحرا صحرا دویده ام
عمروم باشه چاتوب قیزیم گل زینب جان ئولورم
درده گتیــردی حیــدری دردِ هجران ئولورم
جان سنون جان حُسینیمون ؛ جان کُلثوم و حَسنین
منن صورا چوخ اولدی چون درد و غم و مُحنین
آرامیووی غمللر آلار
غم باشیوی درده سالار
چوخ سعی اله آغلاما سن
عالمللری داغلاما سن
زینب جان ئولور علی
سسله قارداشلارون گله حیدر چون گِتملیدی
زهرا مِثلی بالالارین بو دم ترک اِتملیدی
دردیمده اهل آسمان آغلاسا ؛ آغلاما سن
منن صورا غمیمده چوخ قلبیوی داغلاما سن
غم قلبیوی چون یارالار
گوزلُور سنی چوخ یارالار
اورگنمه بو آغلاماقا
اُولدون یارا باغلاماقا
زینب جان ئولور علی
باغلا باشیم یاراسینی زینب غم باشدان آشور
چون یاره باغلاماق سنه هرکسدن چوخ یاراشور
باغلارسان ئوز اَلونله سن عمرونده چوخ یاراسی
مسمار و خنجر و عَمود ، نیزه و اوخ یاراسی
غم درده سالار باشیوی
ساخلا هله گوز یاشیوی
آز کاسۀ صبری جالا
آغلارسان حسینه بالا
زینب جان ئولور علی
شاعر : کربلایی رامین محمدزاده (پریشان)
زبان متن و شاعر: نوحه ترکی, رامین محمد زاده آیینة دل 1069...
برچسب : نویسنده : 8matnenoheh3 بازدید : 254